加油呀^O^

我唔可以放棄,加油呀 ^O^

Stand by me ^O^

伴我開玩笑, 悶了相約見, 年月裏頭天天笑未停, 日記交換了, 風雨擋住了, 傻氣故事總不缺少, 你...你的真摯使我沒疲累, 天真分享夢想這快樂, 連續到秋冬, stand by me, 你...你的真摯使我沒疲累, 天真分享夢想這快樂, 延續到秋冬, stand by me, stand by me, stand by me

多謝您給我過了一個開心生日

今年既生日無一大班既朋友陪我過, 只有您, 但無論一大班也好, 得您也好, 我都會好開心的迎接我每一年既生日, 而今年您終於放假陪我啦!! 你一早己經唸到入迪迪尼, 但因為我唔願起床, 所以又要令你更改節目, 到最後選擇了行東涌outlet, 我還以為你book了東涌裡面個間酒店食buffet, 後來原來你一早book了迪迪尼酒店既buffet, 我真的無唸過哦!! 入到迪迪尼酒店, 坐底之後我見到點解有人有生日蛋糕既?? 點解d主角同生日既人唱生日歌同切蛋糕既?? 我就問您: 點解我無既?? 你一定無同人講啦!! 而您既答案係.....無, 當時我都覺得您都唔細心既!! 但食到中段既時候, 突然有班迪迪尼職員同米尼由我後面行過黎放底左個蛋糕, 還唱麻生日歌, 最驚喜既就係你係咁多人面前kiss左我一下, 嘩!! 我真係好開心呢!! 等我還誤會左您, 真係有d唔好意思哦!! 每一個節日您都會給我一個驚喜, 其實問心, 我真係足夠啦!! 因為我唔想太多驚喜而忘記, 因為我唔係一個要物質既女人呢!! 無論點都好, 多謝您!!

哥哥回港記

記得以前細個我同哥哥打咬多個食飯, 大家無乜傾計, 又記得爸爸經常對我地倆兄妹講: 你地成日狗咬狗骨, 現在你地唔真珍相處既日子, 將來大個各有各忙, 各有各自已既家庭, 就會後悔呢!! 不過當時我都無乜反應, 相反會唸....咁有點呢!! 現在唸返爸爸所講既說話, 有真係講得幾有道理既!! 在這個五月天, 同哥哥有好多話題, 可以話講唔完既話題, 從未試過, 特別珍惜, 就算之前我返加國, 哥哥同我都無乜兩句, 哥哥回加國既個一晚....哈哈.....竟然有點唔捨得, 還唸起亞爸亞媽, 所以我好怕送機, 因為我係眼淺既人!! 到最後我有無喊到?? 哈哈, 大家估下吧!!

擔心死事件簿

四月八號的早上收到一個電話, 佢出了事.....係一個大意既巴士司機cut線埋站迫了佢埋路邊後炒車, 但唔知點解當時我在半夢半醒之間答了一句: 無事嘛?? 我坐巴士來都要九個字......... 之後我都唔記得自已講過乜!! 到我收了線再訓返既時候, 我以為自已發緊夢, 之後再起身望下個電話, 唔係夢, 佢真係出了事, 我就用最快既速度十五分鐘內出門口坐的士去瑪嘉烈, 在的士裡個心一直唸無事既!! 無事既!! 之後見到佢覺得........好痛, 除了心痛, 見到佢既傷口更痛, 當時想喊, 但唔可以比自已喊, 因為唔想比佢見到, 當日在佢隔離陪左佢成日, 我唔敢走開, 因為我知個一刻佢需要既係我, 事隔己經第五日啦!! 佢既情況都好得好好, 不過佢既右手打了石膏同左邊刷傷既關系, 佢每一日既起居飲食都要又我照顧, 雖然有點吃力, 不過就當上天給我倆一個考驗吧!! 大家真的要珍惜現在呀!!

: >

睇返原來我好耐無寫BLOG啦!! 哈哈!! 但又唔唸到寫乜, 大家比D時間我呀!! OK??

情人節

同佢拍左三年拖, 但渡過左四個情人節, 佢曾經講過唔會送花比女朋友既!! 雖然我唔係鍾意收花既女仔, 但其實聽到佢咁講都會有D唔開心架!! 因為可以知道佢一D都唔浪漫!! 不過佢將之前所講既"唔會"係今年既情人節.....佢.....做到了:) 話說佢上了公司等我, 接我收工, 佢靜靜的拿住一札既鮮花企係公司大堂, 我出來既時候...我.....我真係無法相信.......企係我面前拿住札花既人就係佢, 當時我真係唔識比反應, 亦都唔識講多謝, 更加唔識講甜言蜜語, 可能因為"唔會"依兩個字我記得太深啦!! 所以我唔識比反應, 但心裡面好開心, 亦都問自已我係唔係發夢呀?? 哈哈!! 原來佢都會比到驚喜我, 真係好多謝佢 :) 原來驚喜唔只一個, 我們返到屋企玩煮飯仔煎扒仔, 還買左個蛋糕慶祝, 就係食蛋糕既時候....第二個驚喜就出現啦!! 係禮物一份, 我打開一看...原來係....GUCCI電話繩, O....My god, 因為我曾經講過想買返條電話繩, 原因佢送比我個條青蛙電話繩己經無得買啦!! 我唔想整爛(因為我好鍾意的), 所以有係佢面前題過, 不過無唸過佢有放係心裡面, 到最後佢再選擇送電話繩, 其實條電話繩有無名唔緊要, 最重要佢既心意, 多謝您......多謝您令我過左一個從未如此開心過的情人節^^