我只想身體健康.....

聖誕前夕, 病左, 病左個人自然就唔想出街邊到都唔想去, 只係想訓, 可能係D葯既問題!! 希望快D病好啦!!

你玩晒啦!!

我有時真係唔明某個同事, 話放假就話要放假, 己經唔係第一次係咁啦!! 事原我今朝返到公司佢就問我: [亞TAL呀!! 我29號可唔可以同你調呀??] 跟住我睇返時間表我係放假既, 加上我真係有事做所以我SAY NO左, 我當然話點解你每次都係咁既?? 佢就串串咁話: [乜呀!! 一個星期前通知請假架嘛!!] 我無理句依返說話, 但我有同佢講唔得, 而且時間表一早出左, 點解唔係出時間表之前話比經理聽你邊日要放假呀!! 每次出左間表先話調, 你玩晒啦!!

我的新髮型 ~ 短髮look

長髮己經留左好幾年, 記得剛剛返黎HK既時候係男仔頭, 當時我都幾鍾意我既男仔look架!! 因為覺得好型, 但現在當然無咁大勇氣剪到咁短啦!! 其實一直都想剪返短D, 但一直都無勇氣再去剪, 今次終於決定剪啦!! 靚唔靚就真係見人見智, 我就覺得ok啦!!! 但如果個頭再爆d會更加型, 新既一年快到, 希望個新髮型會令我帶黎好運啦 :>

朋友....食小支煙唔會死呱

都唔明D人點解咁自私, 講明唔比係巴士站食煙, D人都要食, 企我後面個男人個樣串串咁拎住支煙食, 我前面再前面個男人見到有開支煙食, 真係一D都唔理人感受囉!! 真係不知所謂呀!! 但最攪笑既就係個男人開左支煙食左兩啖就有車啦!! 食啦...食啦...哈哈哈!! 不過.......佢做左垃圾蟲呀!!!!!!

功課.......我恨你

終於做完公司份功課, 真係有D唔願做呀!! 半年做一次, 做做做, 做黎做乜呀?? 比D時間我寫Blog仲好啦!! 哈哈!! 真係.......我是憤怒呀!!

個個都開始美麗日記

點解個個?? 我地唔係寫美麗日記, 係一隻面膜叫<我的美麗日記>, 我有好多同事都用緊架!! 做完依隻牌子既面膜效果真係唔錯, 又多選擇, 而且價錢又合理, 幾十蚊就有一盒, 一盒又有十塊, 我己經試過白玫瑰, 蘋果同Q10啦!! 因為我都係sensitive skin, 所以都擔心會敏感, 但用左又無事喎!! 真係好好呢!! 每一次用完既第二日化妝都超上妝呀!! 我都介紹左比我D朋友, 因為......要靚, 更要大家一齊靚 :) (好似買緊廣告咁, 哈哈!!)

多謝您的聖誕禮物 :)

又到聖誕又到聖誕, 聖誕節係我最鍾意既節日, 而今年未到聖誕我就收到禮物啦!! 就係手機一部, 真開心, 係我仍決定買唔買依部手機既時候佢就送左比我, 都幾驚起架!! 原因我做緊mask既時候, 佢叫我不如你合麻雙眼啦!! 效果會好D喎!! 平時佢都唔理我點做mask既!!!! 但今次就........, 我都覺得奇怪架啦!! 當我洗完面坐係化妝檯前面既時候就發現點解有個電話既,跟住我當然開心啦!! 佢話依份係聖誕禮物, 佢怕我自已走左去買, 所以就提早送比我呢!! 真係多謝您呀!!

Hi :>

依個係我既新網址, 歡迎大家呀!! 但因為新開既關係, 所以大家比d時間我啦!!